Дешам: «Испания — фаворит. Бу рақибга босим юклаш эмас, балки улар эришган натижаларнинг тан олинишидир»

Франция миллий жамоаси бош мураббийи Дидие Дешам ЖЧ-2026 яримфиналидан ўрин олган Исрания билан ўйин олдидан ўз фикрларини билдирди.

«Испания миллий жамоасини яхши биламиз, улар — амалдаги Европа чемпиони. Ўтган ёзда ҳам Миллатлар лигаси яримфиналида (4:5) уларга қарши ўйнагандик.

Жаҳон чемпионати олдидан ва турнир бошида бизни ҳам фаворитлар қаторига қўшишганди, аммо Испания — фаворит. Бу уларга босимни ошириш учун айтилган гап эмас, балки улар эришган натижаларнинг тан олинишидир, ҳатто Миллатлар лигаси финалида Португалияга мағлуб бўлишган бўлса ҳам.

Бу — кўплаб кучли жиҳатларга эга жуда яхши жамоа. Аммо бу — Жаҳон чемпионатининг яримфинали, шунинг учун даража жуда юқори», — дея Дешамнинг сўзларини келтиради Movistar.

Франция — Испания ўйини 14 июл куни бўлиб ўтади.