«Манчестер Сити» собиқ мураббийи Хосеп Гвардиола Италия миллий жамоаси устозига айланиши мумкин. Бу ҳақда Gazzetta dello Sport хабар бермоқда.
Манбага кўра, Италия футбол федерациясининг (FIGC) бош мураббийлик лавозими учун қисқа рўйхатида уч нафар номзод бор. Гвардиоладан ташқари, унга миллий жамоани Евро–2020 да ғалабага олиб келган Роберто Манчини ва 2014 йилдан 2016 йилгача италияликларни бошқарган Антонио Конте киритилган, бироқ раҳбарият уларни фаворит деб ҳисобламаяпти.
Эслатиб ўтамиз, Италия миллий жамоасида қаторасига учинчи жаҳон чемпионатига чиқа олмаганидан сўнг маъмурий ўзгаришлар юз берган эди.
Апрел ойида жамоа бош мураббийи Женнаро Гаттузо истеъфога чиқди. Шунингдек, миллий делегация раҳбари Жанлуижи Буффон ва Италия футбол федерацияси президенти Габриэле Гравина ҳам ўз лавозимларини тарк этди.
Аввалроқ Паоло Малдини Италия футбол федерациясининг техник директори лавозимига тайинланганди.
Мухлислар бу янгиликни Telegram’да муҳокама қилмоқда
Изоҳлар Telegram’да очилади