«Bavariya» klubi sport direktori Maks Eberl «Leypsig»ga qarshi nazorat o‘yini vaqtida hushini yo‘qotgan jamoa a’zosi Jamal Musialaning holati haqida ma’lumot berdi.
Eslatib o‘tamiz, o‘yin 15-avgust kuni Toshkent vaqti bilan tunda bo‘lib o‘tdi va 3:1 hisobida myunxenliklar g‘alabasi bilan yakunlandi.
«Uning ahvoli yaxshi va hozir eng muhimi shu», — deya Eberl so‘zlaridan iqtibos keltirdi Bild.
Voqea o‘yinning 83‑daqiqasida, 23 yoshli futbolchi gol urganidan ko‘p o‘tmay, yuz berdi. Ismoil Saybari o‘z vaqtida Musialaning ahvoli yomonlashganini sezib qoldi va uni ushlab qoldi — shu sabab Musiala maydonga yiqilib tushgani yo‘q. Tibbiyot xodimlari bir necha daqiqa davomida futbolchiga yordam ko‘rsatishdi. Shundan so‘ng Musiala o‘zi maydonni tark etdi va uning o‘rniga Bara Ndiaye tushdi.
Muxlislar bu yangilikni Telegram’da muhokama qilmoqda
Izohlar Telegram’da ochiladi