«Leyptsig»ni 6:1 hisobida mag‘lub etgan Myunxenning «Bavariya» klubi Germaniya chempionatida yangi rekord o‘rnatdi.
Qayd etish lozim, bungacha Bundesliga tarixida hech bir jamoa mavsum boshidagi dastlabki uchta uy uchrashuvida 18 ta gol urmagandi. «Bavariya» bungacha o‘z maydonida «Shtutgart»ni 5:1, Berlindagi «Union» klubini esa 7:0 hisobida mag‘lub etgandi. «Leyptsig»ga qarshi bahsdagi oltita gol bilan jamoaning uydagi dastlabki uch o‘yindagi natijasi 18 ta golga yetdi.
Keyingi turda myunxenliklar «Freyburg» bilan bahs olib boradi. Raqib o‘tgan turda mavsumdagi ilk mag‘lubiyatini qabul qilgan bo‘lsa-da, yetakchilar uchligidan joy olgan. Uchrashuv 25-oktyabr kuni Toshkent vaqti bilan soat 21:30 da start oladi.
Muxlislar bu yangilikni Telegram’da muhokama qilmoqda
Izohlar Telegram’da ochiladi