«Barselona» yarimhimoyachisi Mark Kasado Angliya Premyer-ligasi klublari e’tiboriga tushdi. Mundo Deportivo «The Guardian»ga tayanib xabar berishicha, futbolchi uchun kurashni «Sanderlend» boshlab bergan.
Shuningdek, «Nyukasl», «Aston Villa» va «Brayton» ham 22 yoshli futbolchining xizmatlariga qiziqish bildirmoqda. Kasadoning Saudiya Arabistoni chempionatida ham variantlari bor, biroq futbolchi faoliyatini Yevropa futbolida davom ettirishni afzal ko‘rmoqda.
Ma’lumot uchun, Kasado o‘tgan mavsum La Ligada 24 ta bahsda maydonga tushib, 1 ta golli uzatmani amalga oshirgan va 1 ta sariq kartochka olgan.
Eslatib o‘tamiz, Kasadoning «Barselona» bilan amaldagi shartnomasi davom etmoqda.
