«Barselona» hujumchi Ferran Torresga ishonishda davom etmoqda va sentyabr oyida u bilan shartnomani uzaytirishni rejalashtiryapti. Bu haqda Mundo Deportivo xabar berdi.
Maʼlum qilinishicha, kataloniyaliklar Torresni faqat uning oʻzi ketish istagini bildirgan taqdirdagina sotishga tayyor.
«Koʻk-anorranglilar» yozgi transfer oynasi yopilgandan soʻng moliyaviy feyr-pley qoidalariga rioya qilish maqsadida 26 yoshli hujumchi bilan shartnomani uzaytirishni rejalashtirmoqda.
Shu bilan birga, klub Ferranning shartnomasini uzaytirsa ham avvalgi kelishuv shartlariga koʻra, «Manchester Siti»ga 8 million yevro toʻlashi kerak boʻladi.
Maʼlumot oʻrnida, oʻtgan mavsum Torres barcha musobaqalarda 49 ta oʻyinda qatnashib, 21 gol urdi va 3 assist amalga oshirdi. Avvalroq Ferran jahon chempionatidan keyin «PSJ»ga oʻtishga rozilik bergani maʼlum qilingandi.
Muxlislar bu yangilikni Telegram’da muhokama qilmoqda
Izohlar Telegram’da ochiladi