«Барселона» ҳужумчи Ферран Торресга ишонишда давом этмоқда ва сентябр ойида у билан шартномани узайтиришни режалаштиряпти. Бу ҳақда Mundo Deportivo хабар берди.
Маълум қилинишича, каталонияликлар Торресни фақат унинг ўзи кетиш истагини билдирган тақдирдагина сотишга тайёр.
«Кўк-анорранглилар» ёзги трансфер ойнаси ёпилгандан сўнг молиявий фэйр-плей қоидаларига риоя қилиш мақсадида 26 ёшли ҳужумчи билан шартномани узайтиришни режалаштирмоқда.
Шу билан бирга, клуб Ферраннинг шартномасини узайтирса ҳам аввалги келишув шартларига кўра, «Манчестер Сити»га 8 миллион евро тўлаши керак бўлади.
Маълумот ўрнида, ўтган мавсум Торрес барча мусобақаларда 49 та ўйинда қатнашиб, 21 гол урди ва 3 ассист амалга оширди. Аввалроқ Ферран жаҳон чемпионатидан кейин «ПСЖ»га ўтишга розилик бергани маълум қилинганди.
Мухлислар бу янгиликни Telegram’да муҳокама қилмоқда
Изоҳлар Telegram’да очилади