«Monako» klubining amerikalik hujumchisi Folarin Balogun faoliyatini «Tottenhem»da davom ettirishi mumkin. Bu haqda jurnalist Santi Auna xabar bermoqda.
Manba ma’lumotlariga ko‘ra, hujumchi London klubiga o‘tishga allaqachon rozilik bergan. Ta’kidlanishicha, Balogun «Tottenhem»ning ustuvor transfer maqsadi hisoblanadi, biroq klub hali rasmiy taklif bilan chiqmagan. Ayni paytda barcha tomonlar muzokaralarni davom ettirmoqda.
Balogun 2025/26-yilgi mavsumda barcha musobaqalarni inobatga olganda 43 ta o‘yinda maydonga tushib, raqiblar darvozasiga 19 ta gol urdi va 5 ta golli uzatmani amalga oshirdi.
Transfermarkt portali hujumchining aktual transfer narxini 50 million yevroga baholamoqda.
Muxlislar bu yangilikni Telegram’da muhokama qilmoqda
Izohlar Telegram’da ochiladi