“Barselona” himoyachisi Ronald Arauxo “Atletiko”ning qiziqish doirasiga tushgan. Bu haqda Mundo Deportivo nashri xabar berdi.
Manbaga ko‘ra, “matraschilar” bosh murabbiyi Diego Simeone urugvaylik 27 yoshli himoyachining vaziyatini diqqat bilan kuzatib bormoqda.
Madrid klubi yozgi transfer vaqtida himoyani kuchaytirmoqchi. Arauxo esa klubning asosiy transfer maqsadiga aylanishi kutilmoqda.
Futbolchining o‘zi yaqin orada jamoasini o‘zgartirish haqida o‘ylab ko‘rishi mumkin.
Transfermarkt portaliga ko‘ra, Arauxoning bozor qiymati 20 million yevroga baholanmoqda. Uning “Barselona” bilan amaldagi shartnomasi 2031 yilgacha mo‘ljallangan.
