«Arsenal» klubi «Komo» yarim himoyachisi Niko Pazga qiziqish bildirmoqda. Bu haqda El Desmarque xabar berdi.
Angliya klubi argentinalik 22 yoshli futbolchi uchun yanvar oyida rasmiy taklif bilan chiqishi mumkin.
Manbaga ko‘ra, Pazning «Arsenal»ga transferiga «Real» klubi aralashishi mumkin. «Komo» futbolchining transfer huquqlarini «Real»dan 60 million yevro evaziga sotib olgan.
Biroq Madrid klubi 2027-yil yozida Niko Pazni 80 million yevroga qayta sotib olish huquqiga ega.
Paz bu mavsumda «Komo» safida barcha turnirlarda 6 ta uchrashuv o‘tkazib, 1 ta gol urdi va 3 ta golli uzatmani amalga oshirdi.
Niconing «Komo» bilan shartnomasi 2028-yil yoziga qadar amal qiladi. Transfermarkt ma’lumotlariga ko‘ra, uning bozor qiymati 80 million yevroga baholanmoqda.
