Bu haqda jurnalist va insayder Ekrem Konur o‘zining ijtimoiy tarmoqdagi sahifasida xabar berdi.
Londonning «Arsenal» klubi Norvegiya milliy jamoasi va «Benfika» klubi vingeri Andreas Shelderupga qiziqish bildirmoqda.
Biroq londonliklar futbolchi uchun yagona nomzod emas. «Tottenhem» va «Roma» klublari ham Shelderup atrofidagi vaziyatni sinchkovlik bilan kuzatmoqda va transfer oynasi yopilgunga qadar uni sotib olishga harakat qilib ko‘rishi mumkin.
«Benfika» futbolchisi bilan xayrlashishga shoshilmayapti, sababi vingerning shartnomasida 100 mln yevro miqdorida tovon puli ko‘rsatib qo‘yilgan.
O‘tgan mavsum Shelderup klub safida barcha musobaqalarni inobatga olganda 43 ta o‘yinda 10 ta gol urdi va 7 ta golli uzatma yetkazib berdi.
