"Arsenal" Angliya liga kubogi finalida "Manchester Siti"ga mag'lub bo'ldi. Ma'lum bo'lishicha, bu XXI asrda aynan ushbu musobaqa finallarida "to'pchilar"ning to'rtinchi ketma-ket mag'lubiyati sanaladi.
Ushbu asrda "Arsenal" 4 marta finalgacha yetib borgan va ularning barchasida yutqazgan (2007, 2011, 2018 va 2026 yillar). Bu ko'rsatkich Angliya liga kubogi tarixida shu sovrinni qo'lga kiritgan klublar orasida antirekord hisoblanadi. Hech bir g'olib jamoa bunchalik ko'p finalni ketma-ket boy bermagan.
Ma'lumot o'rnida, "Arsenal"ning ushbu musobaqadagi so'nggi g'alabasi 1993 yilga to'g'ri keladi.
