Angliya Premer-ligasi 4-turida «Lids» klubi o‘z maydonida «Nyukasl»ga qarshi bahs olib bordi. Unda «tovuslar» 4:1 hisobidagi g‘alabaga erishdi.
Dastlab 32-daqiqada Lyuis Mayli o‘z darvozasiga gol urib qo‘ydi. Oradan ko‘p o‘tmay «Lids» ustunligini ikki karra oshirdi. Bu safar Jeyden Bogl aniq zarba bilan ajralib turdi. Tanaffus arafasida Dominik Kalvert-Lyuin «Lids»ning uchinchi golini urdi.
Tanaffusdan so‘ng mezbonlar hujumlarni davom ettirdi. 59-daqiqada Noa Okafor gol urib, «Lids»ning raqib darvozasiga to‘rtinchi golini kiritdi. Uchrashuv yakunida «Nyukasl» Bazumana Turening goli evaziga hisobni qisqartirdi.
Bu g‘alabadan so‘ng «Lids» 8 ochko jamg‘arib, APL turnir jadvalida uchinchi o‘ringa ko‘tarildi. «Qarg‘alar» esa 5 ochko bilan 12-o‘rinda bormoqda.
APL. 4-tur
Lids – Nyukasl 4:1
Gollar: Mayli 32 avtogol, Bogl 34, Kalvert-Lyuin 45, Okafor 59 – Ture 90.
Lids – Trafford, Jastin, Elvedi, Muharemovich, Bogl (Jeyms, 83), Ampadu, Tanaka (Aaronson, 72), Gudmundsson (Melvin Bar, 72), Stax (Longstaff, 88), Okafor (Uilson, 72), Kalvert-Lyuin (Nmecha, 78).
Nyukasl – Gornichek, Dedich (Livramento, 58), Tiav, Botman, Holl, Niko Gonsales (Shter, 19), Mayli (Bamba, 80), Myorfi (Ture, 57), Barns, Fernandes Pardo (Uillok, 57), Vissa.
