“Adolatsizlik. Enso ofsaydda edi” — Lisandro Holandning goli haqida

“Manchester Yunayted” himoyachisi Lisandro Martines “qizil iblislar” va “Manchester Siti” (0:1) oʻrtasidagi oʻyinda Erling Holandning golini Maykl Oliver hisobga olmasligi kerak edi, deb hisoblaydi.

“Menimcha, Enso Fernandes ofsaydda edi. Qoidalarni tushuna olmayapman. U oʻsha yerda edi! Uning oldiga bordim, chunki u oldimda turgandi. Shuning uchun Holand orqada yolgʻiz qoldi.

Tinchlanishga harakat qilyapman, ammo bu juda qiyin. Har mavsum hakamlar klubimizga kelib, bir soat davomida qoidalarni tushuntirishadi va bunda oʻzlariga juda ishonchli koʻrinishadi. Keyin esa Premer-ligada ularning besh-oltitasi shunga oʻxshash xatolarga yoʻl qoʻyadi — buni qabul qilib boʻlmaydi. Biz shunday adolatsizlik bilan uyga qaytishga majbur boʻlyapmiz”, — deya argentinalik futbolchining soʻzlarini keltiradi Sky Sports.