“Koventri” 107 yilda ilk bor APLni ketma-ket 4 magʻlubiyat bilan boshladi

“Koventri” mavsumni juda omadsiz boshladi.

Frenk Lempard boshqarayotgan jamoa APLda ketma-ket toʻrtinchi magʻlubiyatini qabul qildi — “Brayton”ga 0:5 hisobida yutqazdi. Bungacha “osmonranglilar” “Manchester Siti” (0:1), “Hall” (0:1) va “Arsenal”ga (0:3) imkoniyatni boy bergandi.

“Koventri”ning chempionatni ketma-ket toʻrtta magʻlubiyat bilan boshlashi 1919/20 yilgi mavsumdan buyon ilk bor kuzatildi. Klub oʻz tarixidagi birinchi mavsumda ham shunday yomon koʻrsatkich qayd etgandi.

Gol urmagan va ochko olmagan jamoa turnir jadvalida soʻnggi oʻrinni egallab turibdi.