Kurasao milliy jamoasi bosh murabbiyi Dick Advokat Ekvadorga qarshi o'yin oldidan o'z fikrlarini bildirdi.
"Kurasao uchun bu yerda bo'lish nimani anglatishini tushunishimiz kerak. Yigitlar ulkan stadionlarda o'ynamoqda va haqiqatdan ham aqlbovar qilmaydigan voqelikni boshdan kechirishmoqda.
Ular uchun va butun mamlakat uchun ushbu turnirda ishtirok etishning o'zi ulkan yutuqdir. Kurasao nafaqat o'zini dunyo futbol xaritasida tanitdi, balki jahon sahnasida ham o'z izini qoldirdi.
Endi ko'pchilik uning qayerda joylashganini va bu go'zal orol ekanligini biladi. Butun mamlakat bu shuhratdan foyda ko'radi va bu faqat ijobiy holat bo'lishi mumkin.
Avval aytganimdek, har bir o'yin biz uchun muhim, chunki u bizga milliy jamoa sifatida ham, alohida o'yinchilar sifatida ham nimaga qodir ekanligimizni ko'rsatish imkonini beradi. Biz haqiqatan ham kuchli jamoa bilan uchrashamiz. Ekvador yuqori saviyadagi jamoa bilan yaxshi o'yin o'tkazdi. Bizda xomxayollar yo'q, kurashishimiz va butunlay diqqatimizni jamlashimiz kerak", — deya Advokatning so'zlarini keltiradi FIFA rasmiy sayti.
