"Manchester Siti" rasmiy sayti mart oyi yakunlariga ko'ra jamoaning eng yaxshi futbolchisini e'lon qildi.
Ushbu nominatsiyada O'zbekiston milliy jamoasi himoyachisi Abduqodir Husanov g'olib bo'ldi. 22 yoshli futbolchi ovozlar soniga ko'ra yarimhimoyachilar Rodri va Jeremi Dokuni ortda qoldirdi.
Ma'lumot uchun, Husanov mart oyida "shaharliklar" tarkibida 6 ta bahsda ham maydonga tushib, jamoasi bilan Liga kubogida zafar quchdi.
E'tiborli tomoni, himoyachi Manchester klubidagi faoliyatida uchinchi bor ushbu sovrinni qo'lga kiritdi. U 2025 yil fevral va shu yil yanvar oyida ham jamoasining eng yaxshi o'yinchisi deb topilgandi.
