«Манчестер Сити» расмий сайти март ойи якунларига кўра жамоанинг энг яхши футболчисини эълон қилди.
Ушбу номинацияда Ўзбекистон миллий жамоаси ҳимоячиси Абдуқодир Ҳусанов ғолиб бўлди. 22 ёшли футболчи овозлар сонига кўра яримҳимоячилар Родри ва Жереми Докуни ортда қолдирди.
Маълумот учун, Ҳусанов март ойида «шаҳарликлар» таркибида 6 та баҳсда ҳам майдонга тушиб, жамоаси билан Лига кубогида зафар қучди.
Эътиборлиси, ҳимоячи Манчестер клубидаги фаолиятида учинчи бор ушбу совринни қўлга киритди. У 2025 йил феврал ва шу йил январ ойида ҳам жамоасининг энг яхши ўйинчиси деб топилганди.
