Франция миллий жамоаси бош мураббийи Зинедин Зидан келажакда «Ювентус»ни бошқариши мумкинлигини айтди.
Қайд этиш лозим, франциялик собиқ яримҳимоячи 1996–2001 йилларда айнан Турин клубида тўп тепган.
«Марчелло Липпи менга доимо олдинга интилиш кераклигини ўргатган. Туринга келганимда яхши ўйнамаётгандим.
Матбуот ва мухлислар мени жамоа даражасига мос эмас деб ҳисоблашарди. Лекин Липпи менга ишонди. Келажакда «Ювентус»га мураббий бўлиш? Нега энди йўқ?» — деди Зидан.
Франциялик мутахассис Италияда тактикани чуқур ўрганганини ҳам таъкидлади.
«Липпи билан ҳар куни 30 дақиқа тактика устида ишлардик. Тўп билан ўйнашни истаган футболчи сифатида баъзан норози бўлардим. Бироқ мураббийлар тактика усталари эди.
Липпи менга ишонч бағишларди, мен эса майдонда уни оқлашга ҳаракат қилардим», — дея қўшимча қилди у.
Аввалроқ Мбаппе ва Зидан ўртасидаги муносабатлар яхши эмаслиги маълум қилинганди.
Мухлислар бу янгиликни Telegram’да муҳокама қилмоқда
Изоҳлар Telegram’да очилади