«Вилярреал»нинг собиқ яримҳимоячиси Маркос Сенна «Реал» ҳужумчиси Винисиус Жуниор ҳозирги пасайишни енгиб, яна ўзининг энг яхши формасига қайтишига ишонмоқда.
«Мен унга суръатни пасайтирмаслик ва сабрли бўлишни маслаҳат берган бўлардим. Ҳозир Диоманде билан рақобат жуда кучайган. Аммо бу Винисиуснинг ўзига ҳам, бутун жамоага ҳам фойда келтиради.
У аввал ҳам бир неча бор шундай вазиятларга дуч келган. Ҳатто формасини йўқотаётгандек кўринган пайтларда ҳам тез орада яна энг яхши ҳолатига қайта олган. Бу сафар ҳам шундай бўлишига ишонаман. Фақат бироз кутиш керак. Мавсум ҳали давом этмоқда.
Тан олишим керак, Диоманде эришган тараққиёт мени ҳайратда қолдирмоқда. Яқинда уни кўпчилик танимасди, ҳозир эса рақибларни алдаб ўтиш учун унда етарлича жасорат ва техника борлиги кўриниб турибди.
Шу билан бирга, «Реал»га тез мослашиш осон эмас. Бу клубдаги талаблар бошқа жамоаларга нисбатан анча юқори. Аммо Диоманде бу вазифани яхши уддаламоқда. Унинг мавсумни бошлаши анча муносиб бўлди», — дея Сеннанинг сўзларини AS нашри келтирмоқда.
