«Реал» ҳужумчиси Эндрик қишки трансфер ойнасида жамоани тарк этиши мумкин. Бунга бразилиялик 20 ёшли футболчининг кўпроқ ўйин амалиётига эга бўлиш истаги сабаб бўлмоқда.
Аввалроқ матбуотда Эндрикка бир қатор клублар, жумладан, Лондоннинг «Арсенал» ва Лиссабоннинг «Спортинг» жамоалари қизиқиш билдираётгани ҳақида хабарлар тарқалган эди.
The Athletic нашри маълумотига кўра, Эндрик ушбу икки клубнинг бирортасига ҳам ўтмайди.
«Эндрикнинг «Спортинг» ёки «Арсенал»га ўтиши мумкинлиги ҳақидаги маълумотлар ҳақиқатга тўғри келмайди. Бу ҳолатдан хабардор бир нечта манба ҳам ушбу хабарни тасдиқламади», — дейилади нашр хабарида.
Transfermarkt портали маълумотларига кўра, Эндрикнинг бозор қиймати 40 миллион еврони ташкил этмоқда.
