«Аталанта» ҳужумчиси Жанлука Скамакка фаолиятини Италиянинг бошқа бир клубида давом эттириши мумкин. Бу ҳақда журналист Николо Скира ижтимоий тармоқлар орқали хабар бермоқда.
Манбага кўра, италиялик 27 ёшли ҳужумчини ўз сафига қўшиб олишдан Туриннинг «Ювентус» клуби манфаатдор. «Кекса синиора»нинг бош директори Жованни Карневалли 27 ёшли футболчининг савиясини юқори баҳоламоқда.
Маълумот учун, Скамакка 2023 йил августидан буён «Аталанта» шарафини ҳимоя қилиб келмоқда. Унинг клуб билан шартномаси 2028 йилнинг ёзига қадар амал қилади. Ҳужумчининг бозор қиймати 25 миллион еврони ташкил этади.
Бу мавсумда форвард А Серия доирасида еттита учрашувда майдонга тушиб, атиги битта гол уришга муваффақ бўлди.
