Суперлиганинг 17-турида «Қизилқум» аутсайдер «Машъал»ни қабул қилди ва 2:0 ҳисобида ғолиб чиқди. Навоийликлар устози Жамшид Саидов матбуот анжунида фикрларини айтиб ўтди.
- Бугунги ўйин ҳақида нима дейишим мумкин? Ўйин биз учун жуда оғир кечди. «Машъал» қандай ўйнашини билардик. Биз тайёр бўлганимизда жуда тез ҳужумга ўтамиз. Бугун ҳам буни амалга ошира олдик. Айниқса, ҳимояда жуда тартибли ўйнаган пайтларимизда бу яхши самара берди. Хуллас, биринчи ғалабамиздан хурсандман.
Энг муҳими, йигитлар бугун яхши ҳаракат қилишди. Шунингдек, мухлисларимизни ҳам алоҳида таъкидламоқчиман. Улар ўйиннинг бошиданоқ жамоани қўллаб-қувватлашди. Мухлисларнинг далдаси бизга катта куч берди
- Кенжабоевга нима бўлди? Нега у майдонга 10–15 дақиқага чиқяпти? Жароҳати борми ёки бошқа сабабми?
- Кенжабоев «Навбаҳор»га қарши ўйинда жароҳат олган эди. Кейин тикланди. Унинг тикланиш жараёни анча қийин кечди. Бир жароҳат олди, кейин яна иккинчи жароҳатга дуч келди. Аста-секин тикланди. Ҳозир «Навбаҳор»га қарши ўйиндан кейинги биринчи учрашувини ўтказди. Албатта, ҳали функционал жиҳатдан тўлиқ тайёр эмас. Энди аста-секин ўйинлар орқали, ҳар доимгидек, ўз формасини тиклаб боради.
- Мавсум бошида сиздан интервью олганимизда жамоа шундай фаол футбол ўйнаши ҳақида айтган эдингиз. Лекин мен ҳали барқарорликни кўрмаяпман. Айниқса, Фарғонанинг «Нефтчи»си каби чемпионат етакчисига қарши ўйинда. Баъзи пайтларда ўйин яхши чиқди, аммо бу ҳолат тўлқинсимон кечяпти. Бир ҳужум ўнг томондан, кейин яна ўнг томондан...
- Мен сизга айтдим-ку, бу жуда... Сиз ҳам кўриб турибсиз, бизга берилган футболчилар таркибида анча ўзгаришлар бўлди. Кимдир кетди, кимдир дебют қиляпти. Уларнинг жамоага мослашиши учун вақт керак. Кимдир икки ойдан ортиқ вақт ўйнамаган, кимдадир ўйин амалиёти жуда кам бўлган. Шунинг учун улар фақат ўйинлар орқали ўзларини тиклаб, керакли ҳолатга кириб боришади. Ўзингиз ҳам кўриб турибсиз, ҳозир ўйнаш жуда қийин. Бир неча кундан кейинёқ «Сўғдиёна» билан ўйин бўлди. Яъни, кетма-кет беш-олти кун ичида ўйин ўтказишга тўғри келяпти. Шунинг учун улар фақат ўйинлар орқали формасига киради. Чунки ҳозир уларга тикланиш ва сафарларга кўпроқ вақт кетяпти. Олдинда эса жуда оғир тақвим турибди. Мен сизга битта нарсани айтаман: енгил ўйинлар қолмади.
- Бу ҳам халақит беряпти, шундайми?
- Ҳа, бу ҳам халақит беряпти. Қаранг, иккинчи даврада атиги тўрт очко жамғардик. Биласизми, ҳар бир жамоа ҳар бир очко учун курашяпти. Айнан иккинчи давра энг қийин бўлади. Нега? Биринчи даврада жамоалар бир-бирини ўрганиб олади. Иккинчи даврада эса кўплаб жамоалар таркибини кучайтирди. Ўзингиз ҳам кўриб турибсиз: қандай трансферлар амалга оширилди, очколарни қўлга киритиш учун қандай ҳаракатлар қилинмоқда. Ҳозир жуда кучли кураш кетяпти. Ўзингиз ҳам буни кўриб турибсиз. Ҳар бир очко жуда муҳим, ҳар бир жамоа учун. Енгил ўйинлар йўқ. Менимча, енгил ўйинлар қолмаган. Барча жамоалар охиригача курашяпти. Натижада, ҳамма тенгма-тенг курашяпти. Ўйин ҳар доим ҳам чиройли чиқмаслиги мумкин, лекин бундай вазиятда характер ҳал қилувчи аҳамиятга эга», - дея Саидовнинг сўзларини келтиради Tribuna.uz мухбири
