«Манчестер Сити» клуби бош мураббийи Энцо Мареска нидерландиялик яримҳимоячи Тижжани Рейндерснинг клубдан кетиши мумкинлиги ҳақида гапирди.
Аввалроқ футболчи Саудия Арабистонининг «Ал Қодисия» клуби сафига қўшилишга яқин эканлиги ҳақида хабарлар тарқалганди.
«Кетишга қарор қилган футболчини жамоада олиб қолиш осон эмас. Тижжанининг вазияти Траффорд ва баъзи бошқа футболчиларникига ўхшаш. Ўйлашимча, агар клуб, футболчи ва мураббий ўйинчининг кетиши энг тўғри йўл деб ҳисобласа, демак шундай бўлиши керак», — деди Мареска матбуот анжуманида.
Эслатиб ўтамиз, ўтган мавсум Рейндерс барча мусобақаларни инобатга олганда 47 та ўйинда майдонга тушиб, 7 та гол урди ва 8 та голли узатма етказиб берди.
