Англиянинг «Манчестер Сити» клуби яримҳимоячиси Жереми Доку клубдаги вақти ҳақида фикрларини билдириб ўтди. Кеча, 13 август куни у клуб билан шартномасини 2031 йилгача узайтиргани эълон қилинди.
«Менимча, аввалги икки мавсумга нисбатан ўтган мавсум тўлароқ бўлди. Албатта, бошидан охиригача омадсиз ўйинлар ҳам бўлди, лекин мен жараёнга кўпроқ жалб қилинган эдим. Кўпроқ ўйнадим, самаралироқ эдим. Ҳа натижада, голлар ва голли узатмалар бўлди. Ортга назар ташласам, гол уришим ёки голли узатмани амалга оширишим мумкин бўлган кўплаб ўйинлар бўлганини тушунаман. Аммо олдинги икки мавсумга нисбатан ижобий ўзгаришлар бўлди, ҳар мавсумда яхши томонга ўзгариб боряпман.
Лекин айтганимдек, мен ҳали ҳам «тугалланмаган лойиҳа» эканлигимни ҳис қиляпман. Ўтмишга назар ташласам, мамнун бўлишим мумкин, аммо кейинги мавсумларни ва ҳозир бошланадиган мавсумни ҳам интиқлик билан кутяпман. Мен олдинга қарайман. Эришган ютуқларимни баҳолаш имкониятини кутяпман. Шундай катта клубда ўйнаш имкониятига эга бўлганимни қадрлайман», - дея Докунинг сўзларидан иқтибос келтиради «Манчестер Сити» расмий сайти.
