Испания миллий жамоаси сардори Родрининг «Манчестер Сити»дан «Барселона»га кўчиб ўтиши испанларга 210 млн еврога тушиши мумкин. Испаниянинг AS нашри хабарига кўра, каталонияликлар футболчига йиллик 15 млн евро, солиқлардан кейин, маош билан 4 йиллик шартнома таклиф қилганлар.
Мамлакатдаги солиқ тизимини инобатга олсак, «Барселона» Родрининг маоши учун ҳар мавсум 34 млн евро сарфлашига тўғри келади. Трансфер учун сарфланиши кутилаётган 80 млн евро ва агентлар учун тўланадиган комиссия пуллари билан умумий харажат 210 млн евродан ошиб кетиши мумкин. Аввалроқ инглизлар испанларнинг дастлабки иккита таклифини рад этгани маълум қилинганди.
Таъкидланишича, шартнома муддати бир йилгина қолган футболчиларни арзонроқ нархда трансфер қилиниши ўтмишда қолган. Бу каби охирги келишув сифатида германиялик Тони Крооснинг «Бавария»дан «Реал»га 20 млн евро эвазига кўчиб ўтганини эслаш мумкин.
Мухлислар бу янгиликни Telegram’да муҳокама қилмоқда
Изоҳлар Telegram’да очилади