Ispaniya milliy jamoasi sardori Rodrining «Manchester Siti»dan «Barselona»ga ko‘chib o‘tishi ispanlarga 210 mln yevroga tushishi mumkin. Ispaniyaning AS nashri xabariga ko‘ra, kataloniyaliklar futbolchiga yillik 15 mln yevro, soliqlardan keyin, maosh bilan 4-yillik shartnoma taklif qilganlar.
Mamlakatdagi soliq tizimini inobatga olsak, «Barselona» Rodrining maoshi uchun har mavsum 34 mln yevro sarflashiga to‘g‘ri keladi. Transfer uchun sarflanishi kutilayotgan 80 mln yevro va agentlar uchun to‘lanadigan komissiya pullari bilan umumiy xarajat 210 mln yevrodan oshib ketishi mumkin. Avvalroq inglizlar ispanlarning dastlabki ikkita taklifini rad etgani ma’lum qilingandi.
Ta’kidlanishicha, shartnoma muddati bir yilgina qolgan futbolchilarni arzonroq narxda transfer qilinishi o‘tmishda qolgan. Bu kabi oxirgi kelishuv sifatida germaniyalik Toni Kroosning «Bavariya»dan «Real»ga 20 mln yevro evaziga ko‘chib o‘tganini eslash mumkin.
Muxlislar bu yangilikni Telegram’da muhokama qilmoqda
Izohlar Telegram’da ochiladi