D гуруҳида 3-тур учрашувлари сермаҳсул ва кескин курашларга бой тарзда ўтди. «Нефтчи» ўз баҳсида БухДУ дарвозасига олтита гол урган бўлса, «Гулистон» ҳам «Бухоро» устидан ишончли ғалабани қўлга киритди. Мазкур натижалардан кейин ҳар икки жамоа плей-офф босқичига йўл олди.
«Гулистон» учрашув бошида ҳисобда ортда қолганига қарамай, тезда ташаббусни қўлга олди. Алишер Собиржонов мувозанатни тиклади, Асилбек Умирзоқов эса дубл қайд этиб жамоасининг устунлигини мустаҳкамлади. Якуний нуқтани Шохназар Норбеков қўйди.
«Нефтчи» эса БухДУга қарши баҳсда илк дақиқаларданоқ устунликни қўлга олди. Стипе Перица дубл муаллифига айланди, Хуршид Ғиёсов, Рустамбек Фомин, Нурбек Сарсенбаев ва Ратинио ҳам ўз номини таблога ёздириб қўйди.
Мазкур натижалардан кейин «Нефтчи» 7 очко билан гуруҳни биринчи ўринда якунлади. «Гулистон» эса 6 очко билан иккинчи поғонани эгаллаб, плей-офф йўлланмасини қўлга киритди. «Бухоро» 4 очко билан учинчи, БухДУ эса очкосиз ҳолда гуруҳда қолиб кетди.
Ўзбекистон кубоги. 3-тур
Гулистон – Бухоро 4:1
Голлар: Шаҳзодбек Убайдуллаев 9 (0:1), Алишер Собиржонов 27 (1:1), Асилбек Умирзоқов 45+2 (2:1), Асилбек Умирзоқов 72 (3:1), Шохназар Норбеков 76 (4:1).
Гулистон: Сарвар Ҳусанов, Аслиддин Смоилов, Озодбек Ражабов, Бунёд Шодиев, Алишер Собиржонов, Шохназар Норбеков, Азамат Абдуҳалилов, Ихтиёр Тошпўлатов, Шаҳзодбек Ғофурбеков, Асилбек Умирзоқов, Турдибек Омонов.
Бухоро: Ширинбой Абдуллаев, Велко Филипович, Сардор Қулматов, Равшан Хайруллаев, Хуршидбек Мухторов, Шаҳзод Убайдуллаев, Михеил Башелеишвили, Муҳаммад Йўлдошев, Владимир Родич, Доминик Бегич, Шаҳбоз Жўрабеков.
Ўзбекистон кубоги. 3-тур
Нефтчи – БухДУ 6:2
Голлар: Стипе Перица 12 (1:0), Рустамбек Фомин 28 (2:0), Стипе Перица 36 (3:0), Хуршид Ғиёсов 45 (4:0), Саиджон Ашуров 55 (4:1), Нурбек Сарсенбаев 69 (5:1), Ратинио 73 (6:1), Акобир Тўраев (6:2).
Нефтчи: Иброҳим Шокиров, Иззатилло Пўлатов, Боян Сигер, Икром Алибоев, Хуршид Ғиёсов, Асилбек Жумаев, Нурмуҳаммад Абдуғаниев, Стипе Перица, Муҳсин Убайдуллаев, Рустамбек Фомин, Ратинио.
БухДУ: Асадуллахон Полвонов, Беҳруз Тўраев, Муҳриддин Шамсиддинов, Акобир Тўраев, Хуррамбек Ҳамитов, Сардор Салимов, Жасурбек Убайдуллоев, Амир Азаматов, Беҳруз Шодмонов, Муҳаммадсафо Фозилов, Ислом Бойсариев.
