«Ювентус» «ПСЖ» ҳужумчиси Рандал Коло-Муани трансфери бўйича музокараларда ижобий натижаларга эришди. Бу ҳақда Corriere dello Sport хабар берди.
Турин клуби ушбу трансферни июл ойи охирига қадар якунлашни режалаштирмоқда. Ҳозирда «Ювентус»нинг футболчи учун сўнгги таклифи 40 миллион евродан ошган.
Шунингдек, томонлар Коло-Муанининг кейинги эҳтимолий трансферидан «ПСЖ»га тегадиган улуш масаласини ҳам муҳокама қилмоқда. Бунгача Париж клуби 27 ёшли ҳужумчини 50 миллион еврога баҳолаганди.
Аввалроқ Зеки Челик «Ювентус» футболчиси сифатида таништирилганди.
