Себалос «Аякс»га ўтмайдиган бўлди

«Аякс» «Реал»нинг собиқ яримҳимоячиси, айни вақтда эркин агент бўлиб турган Даниэл Себалос билан ҳамкорлик бўйича музокараларни тўхтатишга қарор қилди. Бу ҳақда Marca нашри хабар берди.

Аввалроқ Нидерландия клуби футболчини ўз сафига қўшиб олишга ҳаракат қилган ва у ҳали «Реал» сафида тўп тепаётган пайтдаёқ мадридликлар билан алоқага чиққанди. Бироқ томонлар ҳамкорлик шартлари бўйича келишувга эриша олмагани сабабли «Аякс» Себалос трансфери бўйича ишни тўхтатди. Таъкидланишича, 29 ёшли яримҳимоячинининг Эредивизида иштирок этадиган жамоада ўйнашга хоҳиши бўлмаган.

Дани 2017 йилдан 2026 йилгача Мадрид клуби таркибда ўйнади. У «қаймоқранглилар» сафида 215 та ўйинда майдонга тушиб, жамоа билан жами 16 та совринни қўлга киритди.