«Астон Вилла» дарвозабони Эмилиано Мартинес «Ювентус»га ўтишга розилик билдирди. Бу ҳақда Sky Sports хабар берди.
Турин клуби вакиллари аргентиналик посбоннинг агентлари билан учрашув ўтказиб, шахсий шартлар бўйича келишувга эришди. Футболчининг ўзи ҳам Италия клубига ўтиш истагини билдирган.
Энди «Ювентус» «Астон Вилла» билан эҳтимолий трансфер шартларини келишиб олиши керак. Шу билан бирга, «зебралар» ҳали ҳам «Тоттенҳэм» дарвозабони Гилермо Викарио вариантидан воз кечмагани таъкидланмоқда.
Маълумот ўрнида, Эмилиано ўтган мавсум АПЛда 32 та учрашувда майдонга тушиб, ўз дарвозасидан 39 та гол ўтказиб юборган. Аввалроқ «Ювентус» «Рома» дарвозабонига қизиқиш билдираётгани маълум қилинганди.
