«Барселона» футболчиси Ламин Ямал Лионел Мессининг ўзига хос жиҳатлари ҳақида гапирди.
Ёш вингернинг фикрича, аргентиналик афсонанинг ҳақиқий буюклиги футболни тарк этганидан кейингина тўлиқ қадрланади.
«Камп Ноу»га бориб, Мессининг ўйинларини томоша қилган вақтларимдан жуда яхши хотиралар қолган.
Одамлар унинг бир жиҳатини етарлича қадрламайди. У ҳар бир ўйинда мухлисларни ўринларидан туришга мажбур қиларди.
Албатта, кўп гол уриш ва голли узатмалар бериш ажойиб. Аммо Месси бундан ҳам қийинроқ ишни уддаларди — у ҳар бир ўйинда ўзининг ноёб футболчи эканини исботлаб берарди.
Менимча, одамлар бу сифатни у футболни тарк этганидан кейингина тўлиқ англайди. Гарчи мен унинг ҳеч қачон фаолиятини якунламаслигини истасам ҳам», — деди Ямал.
Эслатиб ўтамиз, Лионел Месси 2021 йилда «Барселона»ни тарк этган ва ҳозирда АҚШнинг «Интер Майами» клуби сафида тўп тепмоқда.
Маълумот учун, аргентиналик юлдуз икки ҳафтадан сўнг 39 ёшни қарши олади.
