Кукуреля: «Барселона»да ёзилмаган қоида бор эди: машғулотларда Мессига яқинлашиш мумкин эмасди»

«Челси» ҳимоячиси Maрк Кукуреля ўзининг «Барселона»даги фаолияти давомида Лионел Месси билан машғулот ўтказгани ҳақида гапирди.

«У — тарихдаги энг яхши футболчи. У билан бирга машғулот ўтказиш бахтига муяссар бўлганман ва бу ақлбовар қилмас даражада ажойиб эди. Албатта, у мени эсламаса керак, лекин мен жуда қаттиқ ҳаяжонланган ва қўрққандим.

Машғулотларда баъзан уни қўриқлашимга тўғри келарди, аммо маълум масофадан туриб. Ёзилмаган бир қоида бор эди: унга жуда яқинлашиш мумкин эмас. Акс ҳолда, бу жамоадаги сўнгги кунингиз бўлиб қолиши ҳам мумкин эди.

Унинг даврида футбол ўйнаганимиз учун жуда омадлимиз. У ҳақида кейинчалик набираларингизга ҳикоя қилиб беришингиз мумкин, аммо бу ҳақда эшитиш — бошқа нарса, ўз кўзингиз билан кўриш эса бутунлай бошқа нарса», — дея Кукурелянинг сўзларини келтиради TyC Sports.