Испаниянинг «Вилярреал» клуби сўнгги 20 йил ичидаги энг муваффақиятли мавсумларидан бирини ўтказмоқда.
Айни пайтда жамоа Ла Лига турнир жадвалида 3-ўринда бормоқда ва ушбу позицияни сақлаб қолиш учун қолган уч турда 4 очко жамғариши етарли бўлади.
«Вилярреал» охирги марта бунчалик юқори натижани 2007/08 йилги мавсумда қайд этган эди. Ўшанда клуб ҳаттоки «Барселона»ни ортда қолдириб, Испания чемпионатини 2-ўринда якунлаган.
Шунингдек, «сариқ сувости кемаси» 2011 ва 2016 йилларда мавсумни 4-поғонада тугатган эди.
Эндиликда эса клуб яна Ла Лига топ-учлигидан жой олиш имкониятига эга бўлиб турибди.
