«Ливерпул» ҳимоячиси ва сардори Виржил ван Дейк «Брентфорд»га қарши баҳсдан кейин мавсум якунлари ҳақида фикр билдирди.
АПЛнинг сўнгги туридаги учрашув 1:1 ҳисобида якунланди. Ушбу натижадан сўнг мерсисайдликлар мавсумни 5-ўринда тугатиб, Чемпионлар Лигаси йўлланмасини қўлга киритди.
«Бу ягона ижобий жиҳат. Муваффақиятсиз мавсумдан олишимиз мумкин бўлган минимум натижа шу эди.
Энди клуб афсоналари билан хайрлашамиз. Ҳозир бутун эътибор шунга қаратилган.
Олдинга ҳаракат қилишда давом этамиз. Тўхтамаймиз. Бу фаолиятимдаги энг қийин йил бўлди. Буни қабул қилиш ҳам, жамоа бўлиб бошдан ўтказиш ҳам осон эмас. Аммо биз — «Ливерпул»миз. Ҳар доим бундай вазиятлардан янада кучлироқ чиқамиз», — деди ван Дейк Sky Sports'га.
Маълумот учун, «Ливерпул» ушбу мавсум АПЛда 54 очко жамғарди.
