БААнинг «Ал Жазира» клуби ҳужумчи Малком Фелипе билан шартнома имзолаганини расман эълон қилди.
Қайд этилишича, бразилиялик 29 ёшли футболчи янги жамоасида 10-рақам остида майдонга тушади. Малком «Ал Жазира» сафига эркин агент сифатида қўшилди. Бундан аввал у Саудия Арабистонининг «Ал-Ҳилол» клуби билан шартномасини муддатидан олдин бекор қилган эди.
Маълумот учун, у Риёд клуби сафида 2023 йилдан буён ўйнаб келаётганди. У жамоа сафида 138 та учрашувда 48 та гол урган ва бир қатор совринларни қўлга киритган.
Ўтган мавсумда у барча турнирлар доирасида 37 та ўйинда 9 та гол қайд этган. Transfermarkt портали футболчининг бозор қийматини 18 миллион еврога баҳоламоқда.
