«Манчестер Юнайтед» клуби «Брайтон» яримҳимоячиси Карлос Балеба трансфери бўйича келишувга эришди. Бу ҳақда инсайдер Фабрицио Романо хабар берди.
Манбага кўра, клублар камерунлик 22 ёшли футболчининг трансфери борасида оғзаки келишувга келган.
Аввалроқ «Брайтон» клуби Балеба бўйича «қизил иблислар»нинг 65 миллион фунт стерлинг миқдоридаги таклифини рад этганди. Бироқ ҳозирга келиб томонлар 70 млн фунтлик келишувга эришган. Шундан 65 млн фунт стерлинги кафолатланган тўлов ва 5 млн фунти эса бонус кўринишида бўлади.
Ўтган мавсумда Балеба барча турнирларда 35 та учрашувда майдонга тушди. Карлос 2023 йилдан буён «чайкалар» сафида ўйнаб келмоқда.
