Бу ҳақда The Telegraph хабар бермоқда.
АҚШ президенти Доналд Трамп жаҳон чемпионати-2026 финал учрашувигача бўлган ўйинларда иштирок этиши кутилмаяпти.
Манбанинг маълум қилишича, президентнинг финалгача стадионга ташрифи фақат АҚШ миллий жамоаси яримфиналга чиққан тақдирда амалга ошиши мумкин. Ҳозирги кунда жаҳон чемпионати ўйин ва тадбирлари сиёсатчининг режаларига киритилмаган — 4 июл куни у АҚШда Мустақиллик кунини нишонлашга эътибор қаратади.
Ўз навбатида, Трамп мусобақа ғолиб ва совриндорларини тақдирлаш маросимида қатнашиши мумкин — айнан Доналд ЖЧ финалида ғолиб жамоа сардорига кубокни топшириши кутилмоқда.
Эслатиб ўтамиз, АҚШ, Канада ва Мексика мезбонлигида ўтаётган Жаҳон чемпионати-2026 19 июлгача давом этади.
