Bu haqda The Telegraph xabar bermoqda.
AQSH prezidenti Donald Tramp jahon chempionati-2026 final uchrashuvigacha bo‘lgan o‘yinlarda ishtirok etishi kutilmayapti.
Manbaning ma’lum qilishicha, prezidentning finalgacha stadionga tashrifi faqat AQSH milliy jamoasi yarimfinalga chiqqan taqdirda amalga oshishi mumkin. Hozirgi kunda jahon chempionati o‘yin va tadbirlari siyosatchining rejalariga kiritilmagan — 4 iyul kuni u AQSHda Mustaqillik kunini nishonlashga e’tibor qaratadi.
O‘z navbatida, Tramp musobaqa g‘olib va sovrindorlarini taqdirlash marosimida qatnashishi mumkin — aynan Donald JCH finalida g‘olib jamoa sardoriga kubokni topshirishi kutilmoqda.
Eslatib o‘tamiz, AQSH, Kanada va Meksika mezbonligida o‘tayotgan Jahon chempionati-2026 19-iyulgacha davom etadi.
