«Тоттенҳэм» «Галатасарой» ҳужумчиси Виктор Осимҳенни трансфер қилиш учун дастлабки таклиф билан чиқди, бироқ рад жавобини олди.
Инсайдер Экрем Конурнинг хабарига кўра, Лондон клуби нигериялик футболчи учун 50–55 миллион фунт стерлинг (58–65 миллион евро) таклиф қилган.
Бироқ «Галатасарой» бу суммага рози эмас. Туркия гранди Осимҳенни қўйиб юбориш учун камида 65 миллион фунт стерлинг (тахминан 76 миллион евро) талаб қилмоқда.
Манбага кўра, 27 ёшли ҳужумчига «Манчестер Юнайтед», «Челси» ва Мадриднинг «Атлетико» клублари ҳам қизиқиш билдирмоқда ва вазиятни диққат билан кузатиб бормоқда.
Маълумот учун, Виктор Осимҳен 2025 йил ёзида «Наполи»дан «Галатасарой»га 75 миллион евро эвазига кўчиб ўтган эди. Бу Туркия футболи тарихидаги энг қиммат трансфер ҳисобланади. Унинг амалдаги шартномаси 2029 йилнинг июнигача мўлжалланган. Тransfermarkt футболчини 75 миллион еврога баҳолайди.
