«Атланта Юнайтед» «Наполи» ҳужумчиси Ромелу Лукакуга қизиқиш билдирмоқда. Бу ҳақда журналист Саша Таволери хабар берди.
Маълум қилинишича, томонлар шахсий шартнома шартлари бўйича келишувга эришиш имкониятини ўрганиш учун музокараларни бошлаб юборган. Шу билан бирга, келишув ҳали амалга ошишидан анча узоқ экани таъкидланган.
Қайд этиш лозим, Лукаку 2024 йилдан буён «Наполи» сафида тўп тепиб келмоқда. Унинг клуб билан амалдаги шартномаси 2027 йилгача мўлжалланган.
Аввалроқ Лукаку жаҳон чемпионатидаги голлар сони бўйича Марадонага етиб олгани маълум қилинганди.
