«Тоттенҳэм»нинг собиқ ҳимоячиси Тоби Алдервейрелд жамоанинг сўнгги мавсумлардаги муваффақиятсиз иштироки ҳақида фикр билдирди.
talkSPORT хабарига кўра, белгиялик собиқ футболчи ҳозирги таркибда клуб учун фидойилик етишмаётганини таъкидлади.
«Биз ўйнаган пайтда клуб рамзи учун майдонга тушаётганимиздан фахрланардик. Жуда кўп меҳнат қилардик ва клуб учун боримизни берардик. Баъзида ҳозирги футболчиларда айнан шуни кўрмаяпман. Сўнгги икки йил оғриқ келтирди ва мен катта фарқни кўряпман. Ўтган мавсумнинг такрорланишига йўл қўйиб бўлмайди», — деди Алдервейрелд.
Маълумот учун, «Тоттенҳэм» ўтган мавсум Англия Премер-лигасида 17-ўринни эгаллаб, элитада қолишни сўнгги паллаларда таъминлаган эди. Жамоа янги мавсумни 22 август куни сафарда «Брентфорд»га қарши учрашув билан бошлайди.
Telegram’да биринчи бўлиб фикр билдиринг
Муҳокамага ўтишИзоҳлар Telegram’да очилади