«Тоттенҳэм» ван де Вен билан шартномани узайтирди

Микки ван де Вен «Тоттенҳэм» билан шартномасини узайтирди.

Лондон клуби нидерландиялик ҳимоячи билан янги 5 йиллик шартнома имзоланганини эълон қилди.

De Telegraaf маълумотига кўра, футболчининг ушбу муддат давомидаги умумий маоши 75 миллион еврони ташкил қилади.

Аввалроқ 25 ёшли ҳимоячига «Барселона» ва «Ливерпул» клублари қизиқиш билдираётгани ҳақида хабар берилганди.

Ван де Вен ўтган мавсумда Англия Премер-лигасида 35 та ўйин ўтказиб, 4 та гол урган ва 1 та голли узатмани амалга оширган.