Ўзбекистон миллий жамоаси аъзоси Беҳруз Каримов фаолиятини Швейцарияда давом эттиради.
«Лугано» клуби 19 ёшга тўлган ҳимоячининг трансферини эълон қилди. Наманганлик футболчи янги жамоаси билан 5 йиллик шартнома имзолади.
Маълумот учун, Каримов бунгача Термизнинг «Сурхон» жамоасида ўйнаган. У Жаҳон чемпионатидаги ишончли ҳаракатлари орқали Европа клублари эътиборига тушди.
Беҳрузнинг янги жамоаси «Лугано» ўтган мавсумда Швейцария чемпионатида 3-ўринни эгаллаган. Бу мавсумда эса 3 та турда 9 очко тўплаб, пешқадамлик қилмоқда.
Мухлислар бу янгиликни Telegram’да муҳокама қилмоқда
Изоҳлар Telegram’да очилади