Тилеманс «Астон Вилла» мухлисларидан узр сўради

Юри Тилеманс «Астон Вилла» мухлисларидан узр сўради.

29 ёшли яримҳимоячи шу йил ёзида бирмингҳэмликлар сафидаги уч йиллик фаолиятдан сўнг «Манчестер Юнайтед» клубига ўтди. Мавсумолди йиғинлари вақтида белгиялик футболчи собиқ клубига «энг яхши формасига қайтишига ёрдам бергани» учун миннатдорчилик билдирди. Шундан сўнг: «Аммо «Вилла»дан юқорироқ турадиган клублар ҳам бор ва «Манчестер Юнайтед» шулардан бири», — деди.

Футболчининг бу баёноти «Астон Вилла» мухлисларининг норозилигига сабаб бўлди. Тилеманс айтган сўзларига изоҳ беришга мажбур бўлди.

«Матбуотга айтган сўзларим билан кимнидир хафа қилишни ёки мен жуда ҳурмат қиладиган ва сўнгги уч йил давомида миннатдор бўлган «Астон Вилла» футбол клубининг кўнглига тегишни истамаганман.

Бироқ хатога йўл қўйганимни тан олишим ва сўзларни танлашдаги хатом учун узр сўрашим керак. Келажакда бунга янада эҳтиёткорлик билан ёндашаман. Клубга келгусида фақат омад тилайман», — деб ёзди Тилеманс.