«Милан», «Ювентус» ва «Галатасарой» «Манчестер Юнайтед» яримҳимоячиси Бруну Фернандешга қизиқиш билдирмоқда. Бу ҳақда журналист Саймон Стоун хабар берди.
«Қизил иблислар» сардорининг клубдан кетиши мумкинлиги ҳақидаги миш-мишлар ҳамон долзарб бўлиб қолмоқда. Португалиялик футболчининг шартномасида хорижий клублар учун 57 миллион фунт стерлинг (қарийб 67 миллион евро) миқдорида товон пули белгиланган. Бироқ футболчининг ўзи жамоа сафида фаолиятининг охиригача қолишни истамоқда.
Маълумот ўрнида, яримҳимоячининг «Манчестер Юнайтед» билан амалдаги шартномаси 2027 йил ёзигача мўлжалланган бўлиб, унда келишувни яна бир йилга узайтириш банди ҳам бор.
Аввалроқ «қизил иблислар» Фернандеш билан хайрлашишга тайёр экани маълум қилинганди.
