«Арсенал» бош мураббийи Микел Артета 19 ёшли ҳимоячи Майлз Люис-Скелли атрофидаги трансфер миш-мишларига муносабат билдирди.
«У жуда ҳиссиётга берилувчан футболчи. Эсингиздами, у майдонда барча ўша имо-ишораларни қиларди? Мен ҳеч қандай миш-миш ҳақида гапирмоқчи эмасман. Агар бизнинг футболчиларимиз ҳақида гапиришаётган бўлса, бу яхши белги. Демак, биз эътибор тортяпмиз», — дея Артетанинг сўзларини журналист Фабрицио Романо келтирди.
Аввалроқ «Челси» ва «Манчестер Юнайтед» клублари Люис-Скелли хизматларига қизиқиш билдираётгани ҳақида хабарлар тарқалганди.
Маълумот учун, Люис-Скелли ўтган мавсумда барча турнирларда 36 та баҳсда майдонга тушиб, 4 та голли узатмани амалга оширган. Унинг «Арсенал» билан амалдаги шартномаси 2030 йил ёзигача мўлжалланган.
