«Лацио» аргентиналик ҳужумчи Мауро Икардини таркибга қўшиб олиш вариантини кўриб чиқмоқда. Бу ҳақда Sky sport хабар берди.
Манбага кўра, Рим клуби спорт директори Анжело Фабиани 33 ёшли футболчи билан аллақачон мулоқот ўтказган. «Лацио» аргентиналик футболчининг фаолиятини Римда давом эттиришга тайёрлигини аниқламоқчи.
Икардининг молиявий талаблари трансфердаги асосий тўсиқлардан бири бўлиши мумкин. Шунингдек, ҳужумчи Чемпионлар лигасида иштирок этадиган клубдан таклиф олишни кутмоқда.
Маълумот учун, Икарди июл ойидан буён «Галатасарой» билан шартномаси якунлангач, эркин агент мақомида. У фаолияти давомида «Интер», «ПСЖ» ва «Сампдория» клублари сафида ҳам тўп тепган. Ўтган мавсумда аргентиналик ҳужумчи барча турнирларда 47 та баҳсда 16 та гол уриб, 3 та голли узатмани амалга оширган.
