Ҳабиб Нурмагомедов Жастин Гэтжига қарши жанг унинг фаолиятидаги энг оғири бўлганини айтди.
«Психологик жиҳатдан энг оғир жанг Конорга қарши бўлган, аммо ундан кейин Гэтжига қарши жанг янада қийин кечди. Аввало, отамдан айрилганим сабабли ўзимни қўлга олиш қийин бўлди. Ҳаммаси бир вақтда содир бўлди.
Отам вафот этди, усиз тайёргарлик кўрдим. Ахир мен айнан у инсон учун шуғулланардим ва чемпион бўлишни хоҳлардим.
Тайёргарлик йиғини ҳам жароҳатлар устига жароҳатлар билан ўтди. Ҳали ҳеч ким бу менинг сўнгги жангим бўлишини билмасди. Ўзим эса бу ерда фаолиятимга нуқта қўйишим кераклигини билардим. Агар яна жароҳат олганимда, буларнинг барчасидан ўтиш жуда оғир бўларди. Онам ҳам яна шу азобларни бошдан кечиришга тўғри келарди… Фаолиятимга нуқта қўйишни хоҳладим», — деди Нурмагомедов Lex Fridman подкастида.
Нурмагомедов 2020 йилда Гэтжини сабмишн орқали мағлуб этган. Жангдан сўнг Ҳабиб фаолиятини якунлаганини эълон қилган.
Ҳабиб фаолиятидаги энг оғир жангни айтди
MMA
13 август, 23:17
Бу Конорга қарши тўқнашув эмас.
Foto: Getty Images
