Кристенсен «Аталанта» футболчисига айланди

«Удинезе» ҳимоячиси Томас Кристенсен «Аталанта»га ўтди.

Аввалроқ Бергамо клуби даниялик футболчини 22+5 миллион евро эвазига мажбурий сотиб олиш шарти билан ижарага олиши хабар қилинганди.

«Аталанта» футбол клуби Томас Кристенсенни «Удинезе»дан ижарага олганини мамнуният билан маълум қилади. Келишувда футболчини сотиб олиш ҳуқуқи мавжуд бўлиб, муайян шартлар бажарилган тақдирда бу мажбуриятга айланади.

Томас «Удинезе»да уч мавсум ўтказиб, барча мусобақаларда 81 та баҳсда майдонга тушди ва 4 та гол урган.

Шунингдек, у Даниянинг U-18 дан U-21 гача бўлган ёшлар жамоаларида 18 та ўйин ўтказган. Кристенсен 2025 йилги ёшлар ўртасидаги Европа чемпионатида ҳам муҳим рол ўйнаб, Дания миллий жамоаси билан чоракфиналга қадар етиб борган», — дейилади «Аталанта» баёнотида.